كرسي الاعترافات (ارجو التثبيت)

انا عندي سؤال

بدك ترجعي مشرفه على قسم فلسطين ولا لا

سوري الكهربا قطعت فجأة و رجعت

بدي ارجع مشرفة على قسم فلسطين::و الله ما بعرف إزا راح أكون نفس النشاط اللي كنت فيه و نفس المتابعة عشان هيك حاليا لأ لكن راح أنزل مواضيع إزا حصل أي خبر

على العموم وقت مابدك تكوني مشرفه خبريني

وعندي كمان سؤال

بدي تجاوبي بكل صراحه

بتحبي منتدى البرق وهو عابجك؟؟؟؟

بحبو بس أحيانا بحس بالملل عشان المواضيع نفسها نفسها بس فيه حاجة مميزة إنو زي البيت و احنا زي الأخوة عشان هيك بحبو كتيييييير و بحب الأعضاء هيك بحس بشعور حلو لما أدخله و ألاقيكم فاتحين كمان بكون مبسوطة

انا عندي كم سؤال
1‏_‏ من هو اقرب الأعضاء
2‏_‏ كيف وصلتي إلى المنتدى
3‏_‏ هل هناك شي يضايقك في المنتدى
وشكرا

طيب وانا عندي سؤالين ثلاثه ...

1.تمارا اسمك الحقيقي او المستعار؟

2.اذا كان اسمك المستعار ،ليش اخترتي ليكون اسمك المستعار ؟

3.من اي بلد انتِ؟


بانتظار الاجابه :)

انا كمان عندي اكم سؤال

ما هي هواياتك ؟؟

اعطينا نبذه صغيرها عن نفسك؟؟

انا عندي كم سؤال
1‏_‏ من هو اقرب الأعضاء

بتقدر تعتبر أنو إلي أصدقاء في المنتدى :أيمن و محمود



2‏_‏ كيف وصلتي إلى المنتدى
محمود دلني عليه


3‏_‏ هل هناك شي يضايقك في المنتدى

لا المنتدى حلو كتير و هيك أنا متريحة
وشكرا حمادو

**********************
1.تمارا اسمك الحقيقي او المستعار؟


تسعة و تسعين في المية من اللي بعرفوني ينادوني تمارا عشان هيك بتقدري تعتبريه اسمي الحقيقي لكن اسمي في شهادة الميلاد غيــــر


2.اذا كان اسمك المستعار ،ليش اخترتي ليكون اسمك المستعار ؟


قصة طويــــــــــــــلة و بالأحرى مأساوية و أنا آسفة لأني حساسة تجاه هدي المسألة لكن راح أجاوبك باختصار "صديقة عزيزة/حادث/وفاة"


3.من اي بلد انتِ؟


غزة يا حبيبتي غزة و هل يخفى القمر ههههههه


شكرا على أسئلتك
**************
ما هي هواياتك ؟؟


أكتر شي بحبو هو الرياضة بكل أنواعها خصوووووصا كرة السلة كتيـــــــــر بحبها و الرسم كذلك و كل شي فيه تحديات و مقالب


اعطينا نبذه صغيرها عن نفسك؟؟


احم احم أولا اسمي تمارا أو تسنيم اللي بدكم إياه لأنو التنين بتعامل فيهم في الحياة الواقعية و عمري 14 في الصف التامن يعني تانية إعدادي الحمد لله متفوقة في الدراسة و بحصل أعلى العلامات أعشق مادة اللغة الانجليزية و أنا حاليا مشاركة بمسابقة اللغة الانجليزية على مستوى القطاع و الحمد لله محبوبة عند صحباتي بشكل كبير بحب أصاحب جميع الفئات العمرية و بالأخص اللي أصغر مني حتى تلاقيني عارفة معظم بنات المدرسة أنا بحب الصراحة و بكره النفاق و إزا في قلبي حاجة بحكيها و ما بخاف من حدا و بنفس الوقت بجامل الناس زي ما فيا مميزات فيا عيوب زي إني متقلبة المزاج يعني إذا قررت شي في تاني يوم بندم عليه و بروح أغيرو و أكبر عيب فيا إني طيبة مع الجميع و هدا أكبر غلط لأنو كتير من الناس اللي وثقت فيهم ما بيستاهلو المهم أنا بحب أكون شلة بنات يعني صحبات و لما كنت في مدرستي القديمة مدرسة الرمال كان عندي شلة مكونة من 15 صديقة و حبيتهم كتير لكن بابا عاقبني و نقلني من المدرسة و لليوم أنا زعلانة لكن الله عوضني بصحبات كويسين كتير معي في مدرستي الحالية حتى لو أنا بكرهها عالعموم أنا بحب أهلي و علاقتي معهم منيحة ماما بتشتغل معلمة انجليزي و بابا مدير في الوكالة و انا حابة لما أكبر أصير زي بابا لأني بحب شغل المكاتب شو ضايل كمان اممممممممم من الناحية السياسية أنا لا حماس و لا فتح و الصراحة بكره التنين و بالطبع بحب بلدي رغم كل شي

خلص حكيت بما فيه الكفاية الظاهر إني ثرثاااااارة
و اللي بدو يسألني أي شي يسأل قبل ما أنزل عن الكرسي


يلا سلااااااااااااااااااااااااااااامووووو

بصراحه زعلت لما قريت انه اسمك المستعار لصدقيتك المتوفاة
الله يرحمها ويرحم جميع اموات المسلمين

الله يرحمها و يدخلها فسيح جناته آآآآآآمين ياااااا رب و الله كنت بحبها كتير و بموت فيها بس شو أسوي هدا القدر
شكرا حمادو على تعاطفك

طيب أنا نازلة عن الكرسي و بدي برق هو اللي يقعد

انا من أول مستني أحد يختار برق يجلس
عندي أسئلة انا اصلا اعرف بعض اجوبتها بس عشان الأعضاء يعرفو الاجابات

1‏_‏ متى فكرت انك تسوي المنتدى وليش فكرت اصلا تسويه؟
2‏_هل انت نادم بشأن قرار أتخذته في المنتدى وتريد التراجع عنه؟
3‏_مين العضو اللي اذا بدك تشيله من الإشراف ومين اللي بدك تحطه مشرف؟
4‏_‏ هل تتضايق بعض الأحيان لأن تضطر لإتخاذ رأي غيرك من الإداره في بعض القرارات؟
5‏_‏ مين العضو اللي برأيك يستحق العضو المميز دائما ؟
6‏_من هو اقرب شخص في المنتدى ع قلبك؟ (بشرط تقول مين هو وما تقول _ جميع الأعضاء_ يعني تحدد مين هو)

وشكرا
وأتمنى الصراحه التامه

وااااااااااااااااو أسألتك رائعة حمادو و أنا كمان إلي أسألتي بس هو يفتح:


اول سؤال::شو رأيك في المقلب اللي سويته فيك انت عارف قصدي؟؟؟

تانيا: لو فتح المعبر بدك ترجع و لا ما بدك هدا لما يفتح إن شاء الله؟؟

شو السبب وراء حبك لاسم برق؟؟؟

هدا السؤال سبق و سألتو لأيمن : بتعرف منتدى نسيج العنكبوت؟؟

ابن فلسطين البطولة بتعرف شو اسمو الحقيقي؟؟؟

و المايسترو أنا عارفة إسمو بس بدي أتأكد شو اسمو و شو بيقربلك؟؟؟

أي ايميل بتفتح أكتر ؟؟

و كم جهة اتصال عندك؟؟؟

و متى آخر مرة حكيت مع منار أو رزان ؟؟؟

كيف علاقتك مع خالتو سهير و خالو محمد عبد المجيد أعتقد بتعرفهم؟؟؟

و لسة في كتير أسئلة بس بكفي هيك و إنشالله تجاوب بصراحة لأنو هدا هو هدف اللعبة

Tamara كتب:

وااااااااااااااااو أسألتك رائعة حمادو و أنا كمان إلي أسألتي بس هو يفتح:


اول سؤال::شو رأيك في المقلب اللي سويته فيك انت عارف قصدي؟؟؟

تانيا: لو فتح المعبر بدك ترجع و لا ما بدك هدا لما يفتح إن شاء الله؟؟

شو السبب وراء حبك لاسم برق؟؟؟

هدا السؤال سبق و سألتو لأيمن : بتعرف منتدى نسيج العنكبوت؟؟

ابن فلسطين البطولة بتعرف شو اسمو الحقيقي؟؟؟

و المايسترو أنا عارفة إسمو بس بدي أتأكد شو اسمو و شو بيقربلك؟؟؟

أي ايميل بتفتح أكتر ؟؟

و كم جهة اتصال عندك؟؟؟

و متى آخر مرة حكيت مع منار أو رزان ؟؟؟

كيف علاقتك مع خالتو سهير و خالو محمد عبد المجيد أعتقد بتعرفهم؟؟؟

و لسة في كتير أسئلة بس بكفي هيك و إنشالله تجاوب بصراحة لأنو هدا هو هدف اللعبة

ههههههههههههههههههههههههههه


هههههههههههههههه اسئله اقوى من قويه هههههههههههههه

لسة هدا و لا شي بس هو يفتح و يجاوب
و للعبة هدف هو التوريــــــــــــــط ههههههههه و طبعا أنا لإلي هدف في كل سؤال سألته

حبيبي يا رسول الله خليك متابع معنا عاللعبة
لك تحياتي

لا ما تخافي انا معاكم في الهوى سوى هههههههه

شكلو خايف يدخل عموما انا حرسل رساله لبرق عشان يحاول يدخل

اوكي ممتاز برضو

في مشكلللللله
محمود (برق) ما حيقدر يدخل
هو في المدينة هلا
ويمكن ما يرجع الا يوم الخميس أو الجمعه
يعني ما حيقدر يجاوب ع أي سؤال اليوم او بكره

يعني لازم نأجل جلوسه ع الكرسي
ونجلس واحد تاني
الى أن يرجع
والأسئله التي تم وضعها ستبقى ولن تحذف
إلى ان يرجع بالسلامه

اقترح يجلس ع الكرسي حبيبي يارسول الله

حبكت يطلع هلا عالمدينة طيب حصل خير إن شا ء الله بيرجع بالسلامة

اللي بدو يقعد يقعد أصلا ما فيش غيري أنا وياك يا حمادو و بديت أزهق ما في حد داخل اليوم

اش نسوي ياتمارا هو طلع وخلاص
والجلوس ع الكرسي للي بدو
ما في احد معين اللي بدو يقعد

وانا كمان بقول نقعد على الكرسي
حبيبي يا رسول الله
----------
وباقي واحد
اذا صوت معنا بيقعد حبيبي يا رسول الله

مش لازم تصويت
ممكن أي واحد يجي ويقول أنا بدي أقعد ع الكرسي
المهم الكرسي ما يبقى فاضي

خلص باعتبار انو انا وانت صوتنا

لحبيبي يا رسول الله

اذا قبل يقعد وخلص

انا موافق اخواني